Во претстојниот викенд на патеката во Џеда ќе се вози трката за Големата награда на Саудиска Арабија во Формула 1, а ќе биде и Кристијано Роналдо, но не затоа што сака, туку затоа што мора.
Во договорот на Роналдо со неговиот клуб Ал-Наср од Ријад има клаузула дека Роналдо мора да биде присутен на Ф1 трката во Џеда и на тој начин дополнтелно да ја промовира државата Саудиска Арабија.
Роналдо и во 2019 година во Монте Карло посети трка од Формула 1 шампионатот, таму се сликаше со Луис Хамилтон, а потоа имаше и посета на фабриката на Ферари во Маранело, каде што се сретна со Шарл Леклер.