Својата блескава кошаркарска кариера, Хрватот Тони Кукоч ќе ја запечати вечерва со влез во Куќата на славните во НБА, а таму ќе биде претставен од еден од најдобрите играчи во историјата, ако не и најдобар, Мајкл Џордан.
Некогашното дуо на Чикаго булс кое играјќи заедно освои три шампионски прстени, вечерва ќе продефилира на свечена церемонија во Спрингфилд.
Покрај Кукоч, вреди да се одбележи и влезот во Куќата на славните и на Бен Валас, кој е првиот недрафтуван играч во историјата на НБА, кој стигнал до ваквото престижно признание. Во овогодинешната класа 2021, признание ќе добијат и: Крис Бош, Пол Пирс, Крис Вебер, Бил Расел, додека од тренерските легенди тука се: Јан Рајт и Рик Аделман. Кај дамите во оваа листа се: Лорен Џексон и Јоланда Грифин.
