Шпанскиот бек Марк Кукурелја на Инстаграм имаше објава која стана хит, не само меѓу навивачите на Челзи, туку и кај сите љубители на фудбалот.
Кукурелја вчера на лондонското дерби против Тотенхем, двапати се лизна во првите десетина минути од мечот, а неколку секунди подоцна неговиот тим примаше голови за водство на Петлите од 2-0. Кукурелја ги смени копачките чии крампони не беа добри, и потоа веќе не се лизгаше на тревата како да е мраз, а Сините предводени од Кол Палмер направија пресврт и победија со 4-3.
После мечот, Кукурелја објави фотографија на која се гледа дека копачките со кои се лизгаше, ги фрлил во канта за отпад, со извинување до фановите на Челзи.
