Дека мечевите од натпреварувањата во Купот често знаат да бидат шокантни за фаворитите, се потврди вечерва. Болоња на тренерот Синиша Михајловиќ на свој терен загуби од Тернана со 5:4. Тернана е тим кој лани успеа да влезе од Серија Ц во Серија Б, а вечерва го елиминира големиот фаворит.
Уште во првото полувреме беше најавено чудото кога гостите дадоа три гола, а плус промашија и еден пенал, па на полувреме водеа со 3:1. По 10 минути игра во второто полувреме, Тернана имаше нестварна предност од 5:1.
Болоња во последните 35 минути даде три гола и намали на 4:5, но не успеа да стигне до 5:5 и да се спаси од катастрофално испаѓање на стартот од Купот.