Жоан Лапорта повторно им се обрати на навивачите на Реал Мадрид со реклама, овојпат од Градот на Коцката, Лас Вегас, каде што задутре ќе се игра пријателското Ел Класико меѓу неговата Барселона и Кралскиот клуб од Мадрид.
Лапорта со светлечки билборд на оригинален начин го најави Ел Класико во САД на 24 јули.
„Реаловци, што ќе се случува во Вегас, останува во Вегас…“, стои на билбордите зад насмеаниот претседател на Барса.
Laporta vuelve a tirar de anuncio gigante, esta vez en Las Vegas 🌃😳 https://t.co/3ArO4ZWzGr
— MARCA (@marca) July 22, 2022
Лани на изборите Лапорта повлече ризичен потег и со рекламен простор изнајмен во Мадрид водеше дел од кампањата.
„Сакам повторно да се видиме“, и тогаш Лапорта им се обрати на навивачите на Реал.
Алузијата беше на неговиот прв мандат во Барса од 2003 до 2010 година, кога Каталонците доминираа во однос на вечниот ривал.
