Маурицио Сари од денеска повеќе не е тренер на Лацио. Италијанскиот стратег денеска поднесе оставка откако синоќа Лацијалите загубија од Удинезе со 1:2 на „Олимпико“ во последниот меч од 28-мото коло во Серија А.
Лацио моментно се наоѓа на деветтото место на табелата со 40 освоени бода, седум помалку од шестата Аталанта.
🚨🇮🇹 𝐁𝐑𝐄𝐀𝐊𝐈𝐍𝐆 | Maurizio Sarri has RESIGNED as manager of Lazio, reports @sportmediaset! 👋 pic.twitter.com/7l1uDp0sEP
— EuroFoot (@eurofootcom) March 12, 2024
Лацијалите се наоѓаат во црна серија од четири порази по ред во сите натпреварувања.
Лацио загуби на последните три меча во Серија А против Фиорентина (1:2), Милан (0:1) и Удинезе (1:2), а минатата недела загуби од Баерн Минхен со 3:0 во реванш-мечот од осминафиналето во Лигата на шампионите, со што ги заврши и настапите во Европа.
Маурицио Сари од 2021 година седеше на клупата на Лацио, а најголемиот успех го доживеа минатата сезона, кога обезбеди пласман во Лигата на шампионите.
