Кристијан Стојковски го продолжи договорот со Македонија Ѓорче Петров и ќе игра за популарните Лавови во европските купови и на домашната сцена во следната сезона.
Популарниот Кико е дете на клубот од Ѓорче Петров и вели дека конечно му се исполнува детскиот сон да игра за Македонија во еврокуповите.
„Голема беше желбата да играм европски натпревари со клубот од моето детство и брзо се договоривме со раководството на Македонија Ѓорче Петров за нов договор. Како и секогаш ќе давам максимум и следната сезона да биде успешна и за мене и за клубот“, вели Стојковски.
Претходно ѓорчепетровци ги продолжија договорите и со тренерот Маурем Бајрами, со голманот Христијан Стевковски и со Филип Мишевски.
Македонија Ѓ.П. е актуелен освојувач на пехарот во Купот на Македонија и ќе не претставува на европската сцена заедно со шампионот Шкупи и со Академија Пандев и Шкендија.
