Сплитска Хајдук и оваа сезона има големи амбиции и ќе се обиде да ја освои титулата пред Динамо Загреб, но почетокот на сезоната не ветува такво нешто. Хајдук беше елиминиран од Ружомберок во Конференциската лига, а во домашното првенство веќе загубија четири поени и имаат заостанување позади максималниот лидер, Динамо Загреб.
Хајдук синоќа на домашен терен го совлада Осијек со минимални 1-0 со голот на Ливаја, противник кој има само еден бод од пет кола. Славниот Џенаро Гатузо не беше задоволен од играта на своите избраници, па веднаш после последниот судиски свиреж втрча во теренот и започна да се објаснува со своите фудбалери, веројатно да им објаснува каде грешат.
