Некогашниот италијански репрезентативец Клаудио Маркисио реши да ја заврши кариерата. Играчот кој помина 13 години во дресот на Јувентус, се одлучи дека е доста, иако има 33 години и може уште неколку години да биде активен. Причина за пензионирањето на Маркисио се повредите кои ги имаше овој играч во текот на кариерата.
Маркисио утре на прес-конференција официјално ќе објави дека оди во пензија. Тој освои седум титули со Јувентус во Серија А, четири Купа на Италија и три Суперкупа на земјата. Од италијанскиот гигант си замина во 2018 година и минатата сезона ја помина во дресот на Зенит. И со рускиот тим се израдува на титула во Русија, но по завршување на сезоната, не најде нов клуб.
За Италија има 55 настапи, а има постигнато и пет погодоци.
