Иконата на Ливерпул Кени Далглиш, лекувањето од Коронавирусот ќе го продолжи во домашна изолација. Далглиш утрово ја напуштил болницата каде што пред неколку дена се смести откако се испостави дека е позитивен на вирусот Ковид-19.
„Луѓето мислат дека добив посебно внимание поради моето име, но факт е дека медицинскиот персонал еднакво за сите се грижи и одлично си ја заврши работата. Можеме да бидеме среќни што имаме способен кадар да се бори за нашите животи и се жртува во овој тежок период“, истакна Далглиш.
Легендарниот играч е во ризичната група на луѓе и затоа бил пренесен во болница, но очигледно неговата здравствена состојва се подобрува.