Светската тениска легенда Никола Пилиќ се расплака по поразот на Новак Ѓоковиќ во финалето на АТП турнирот во Белград, каде Андреј Рубљев беше подобар и победи со 6:2, 6:7, 6:0 и го освои пехарот.
Пилиќ во завршниот збор на турнирот со многу емоции говореше за Ѓоковиќ и го нарече најголемиот тенисер на сите времиња.
„Во конкуренција на Федерер, Надал, Мареј и останатите врвни асови да се биде 366 седмици на врвот на АТП листата е досега невиден подвиг. Па тоа се 7 години да бидеш прв и таков резултат ќе нема во следните илјада години“, рече Пилиќ.
Nikola Pilic: Novak is not one of the, he is the greatest of all time. It will take 1.000 years to break his weeks at No1 record. pic.twitter.com/9nOu3DY0FH
— Luka Nikolić (@luksie1) April 24, 2022
Ѓоковиќ и се извини на публиката што не успеа да го освои турнирот, а го пофали Рубљев.
„Им се извинувам на сите што навиваа за мене и буквално со огромна поддршка ме туркаа на патот кон финалето. Но, кога ќе откаже моторот нема шанси за победа. Му честитам на Андреј за успехот. Белград и Србија те сакаат и секогаш ќе бидеш добредојден овде“, рече Новак.
За Рубљев ова е 11 пехар на АТП турнирите, а Ѓоковиќ остана на досегашните 86.
