Манчестер сити одбраната на трофејот во Лига купот на Англија, или според спонзорското име Карабао куп, ја започна со сигурен триумф од 3-0 на гостувањето кај нисколигашот Престон.
Комбинираниот состав на Гвардиола предводен од напаѓачкото трио Стерлинг – Жесус – Бернардо немаше проблеми да дојде до посакуваниот резултат, па уште во првиот дел ги реализираа трите погодоци. Стерлинг отвори во 19-тата минута, а по голот на Бразилецот, домаќините си постигнаа и автогол пред паузата за конечни 3-0.
Со идентични 4-0 славеа Арсенал, Лестер и Саутхемптон против Нотингам форест, Лутон, односно Портсмут, тимот на Евертон со 2-0 славеше против Шефилд вензди, додека Ватфорд го елиминираше Свонси со конечни 2-1.
Тотенхем не можеше да го надигра Колчестер и покрај доминацијата во 90 минути, па нисколигашот со 4-3 во пенал рулетот ги елиминира Петлите на Покетино.