За прв пат во историјата на Премиер лигата се одигра меч на кој пред почетокот, едниот тим има дури 55 бодови повеќе од противникот. Ливерпул како лидер гостуваше кај Норвич и на крајот не дозволи изненадување, па победи со 1:0 за нови три бода.
Низ историјата на Премиер лигата вкупно 13 пати имало мечеви на екипи меѓу кои разликата била 55+ бодови, но тоа никогаш не се случило да биде во средината на февруари. Иако Ливерпул беше голем фаворит, Норич во првиот дел од игра одлично и имаше голема шанса за водство, но голманот на гостите, Алисон имаше фантастична интервенција пред да дојде топката со напаѓачот Пуки.
Во второто полувреме, Ливерпул притисна, а тоа се исплатеше во 78 минута кога погоди Садио Мане. За Сенегалецот ова беше јубилеен 100-ти гол во дрес на англиска екипа. Мане има дадено 25 голови како играч на Саутемптон, а сега има 75 погодоци во дресот на Ливерпул.
За Ливерпул ова беше 25-та победа во 26-тото коло и сега има неверојатни 76 бодови во оваа фаза од првенството. Норич остана на дното од табелата со само 18 бодови.