Додека македонската машка ракометна репрезентација се подготвува за пресметката со Луксембург од 19 часот во СЦ „Борис Трајковски“, пристигна една многу непријатна вест, почина првиот селектор на Македонија, Славе Атанасовски – Чаве.
Атанасовски беше роден во 1945 година во Скопје, како играч и подоцна како тренер настапуваше и водеше повеќе македонски клубови. Атанасовски беше селектор и на женската репрезентација на Грција.
Она по што ќе остане запаметен и секогаш ќе биде запишан со светли букви во историјата на македонскиот ракомет е што го водеше националниот тим на Македонија во 1993 година, кога Црвено-жолтите го одиграа првиот официјален натпревар на меѓународен турнир во Романија.