Аталанта ќе игра во осминафиналето на Лигата на шампионите откако во неверојатен меч со 4:1 ја победи Борусија Дортмунд. Оваа победа беше доволна за италијанскиот тим да ја анулира негативата од 0:2 по првиот меч во Дортмунд и останува понатаму во Лигата на шампионите со вкупна победа од 4:3.
Аталанта одлично го отвори мечот и само по пет минути поведе со голот на Скамака. Тој погодок може да го видите ТУКА.
Во последната минута од првото полувреме Запакоста зголеми на 2:0 и со тоа ја анулира негативата на Борусија од првиот меч во Дортмунд. Вториот погодок на Аталанта може да го видите ТУКА.
На почетокот од второто полувреме Пашалиќ погоди за 3:0, а Адејеми намали на 3:1 во 75-тата минута. По тој погодок на гостите, вкупниот резултат беше 3:3.
Потоа двете екипи тактизираа, не сакаа да згрешат, а буквално во последните моменти од средбата се случи токму тоа. Голманот на Борусија Кобел направи голема грешка при додавањето, а потоа Бенсебаини направи фаул за пенал.
Лазар Самарџиќ беше херојот на Аталанта постгнувајќи гол од пенал за 4:1. Веднаш по тој гол, судијата означи крај на средбата. Фаулот за пеналот и голот за победа од 4:1 може да ги видите ТУКА.
