Ромелу Лукаку е лош глумец и одличен стрелец, а дека не знае да одглуми фаул покажа и на мечот со Рома. Белгиецот се обиде да го насанка Џанлука Манчини во второто полувреме од дербито во Рим, но беше очигледно дека не е фаулиран, па дури и добро пројде.
За глумење во вакви ситуации се добива жолт картон, а Лукаку веќе имаше еден од првото полувреме, па требаше да биде исклучен.
Сепак судијата Ди Бело му прости, па Лукаку се спаси од црвен картон. Дербито заврши нерешено, 2:2, а Интер го загуби чекорот со лидерот Милан и сега негативата е три бода.
