Ромелу Лукаку не можеше подобро да започне сезоната во дресот на Интер по својот камбек во екипата, по само 81 секунда игра погоди за водство од 1-0 на гостувањето кај Лече во мечот од првото коло во Серија А.
Белгискиот голгетер ја искористи зицер ситуација по додавањето на Дармијан, за со глава да ја затресе мрежата на домаќините. Лукаку им вети дека со голови и победи ќе ја врати довербата на фан-базата на Нероаѕурите, па може да се каже дека добро тргна.
