Манчестер јунајтед и Арсенал го одиграа и најдобриот меч во досегашниот тек од Премиер лигата.
Во дербито од 15-тото коло, на крајот на победата се радуваа домаќините, и тоа со 3:2, во меч кој изобилуваше со шанси и навистина квалитетен фудбал.
Арсенал поведе со голот на Емил Смит Роу во 13-тата минута по еден сомнителен момент, кога Фред го згазна Давид де Хеа, а играчот на Арсенал погоди во празната мрежа, откако претходно не ја исфрлија топката.
Сепак, тоа не ги исфрли од игра домаќините, кои „стегнаа“ кон голот на гостите уште посилно, па пред самото прво полувреме стигнаа до израмнување преку Бруно Фернандеш, кој погоди на својот стоти натпревар во дресот на овој тим.
100 – Bruno Fernandes is the first player to score on his 100th competitive appearance for Man Utd since Antonio Valencia vs Blackburn in April 2012. Equaliser. pic.twitter.com/AaJ49zaiE6
— OptaJoe (@OptaJoe) December 2, 2021
Во продолжението, Манчестер продолжи со нападите и преку Кристијано Роналдо, за кого тоа беше 800-ти гол во кариерата, дојде до предност од 2:1.
800 – Cristiano Ronaldo has scored the 800th goal of his professional career for club and country, scoring 129 of those for Man Utd (also 5 for Sporting, 450 Real Madrid, 101 Juventus, 115 Portugal). Remarkable. pic.twitter.com/kU7Z3zObAQ
— OptaJoe (@OptaJoe) December 2, 2021
Сепак, гостите не се предадоа и во 55-тата минута стигнаа до израмнување од 2:2 преку Мартин Одегард.
Но, конечните 3:2 беа дело на кој друг ако не Кристијано Роналдо, кој во 70-тата минута стрелаше успешно од белата точка, откако еден од дефанзивците на Арсенал стартуваше престрого во 16 метри врз Фред.
Со оваа победа, Манчестер јунајтед дојде до бројката од 21 бод и се искачи на седмата позиција на премиерлигашката табела.