Карим Бензема го постигна својот седми погодок во Ел Класико и веројатно најдобриот за него. Францускиот голгетер одлично реагираше во 14 минута и погоди по асистенција на Лукас.
Барселона беше во напад, домаќините ја освоија топката и направија контра напад. Лукас центрираше, а Бензема во мајсторски стил со петица успеа да го матира Марк Андре тер Штеген за предност на Кралскиот клуб од 1:0. За Бензема ова е 19-ти погодок сезонава во Примера дивисион.