Македонската фудбалска репрезентација за играчи до 17 години со три порази ги заврши настапите во квалификациите за пласман на ЕП. По поразите од Франција (2:1) и Германија (2:1), Македонија денеска беше поразена убедливо од Словенија со 4:0. На тој начин јуниорите останаа на последното место без ниту еден бод.
Фудбалската репрезентација за играчи до 19 години заврши со два бода во квалификациската група откако вечерва одигра 1:1 против Молдавија. Претходно ремизираа 0:0 со Фарски Острови, а загубија од Холандија убедливо со 4:0, па на крајот се на третото место во групата.
