Најдобриот македонски атлетичар, Дарио Ивановски, се пласираше на второто место на трката на 3.000 метри на Балканското првенство во сала кое се одржува во Истанбул. До сребрениот медал на Балканијадата, Ивановски стигна откако патеката од 3.000 метри ја истрча со време од 8:03.65 минути, што е нов македонски рекорд, подобар од претходниот за 11 секунди.
Со извонредната трка на Балканското првенство, Дарио обезбеди норма за ЕП во сала кое ќе се одржи во Глазгов, Шкотска, покажувајќи дека и нашите атлетичари може да учествуваат на големите натпреварувања без вајлд-карта, туку со обезбедена норма. Нормата за ЕП беше 8 минути и 5 секунди.
„Голема благодарност до целиот тим кој стои зад мене. Ветувам дека ќе одиме уште посилно на следните предизвици“, – порача Ивановски преку социјалните мрежи.