Најдобрите македонски одбојкaри по слободниот ден, сега се со мисла дека вечерва против Белорусија од 20.30 часот може да ја забележат првата победа на европските првенства. Против Финска земаа сет и беа блиску до изненадување, со Турција не покажаа сè што знаат, а против Русите и еден освоен сет ќе беше успех.
Денеска ривал ни е Белорусија, која се врати од негатива од 0-2 во сетови против Финска, 20-23 во третиот, па направи огромен пресврт, со што се израдуваа на првиот триумф. Математички, Македонија уште има теоретска шанса да се најде во осминафиналето, но во мислите е победата над Белорусите.
„Додека постои математика, јас размислувам за осминафинале. Таков е мојот карактер, сакам да победувам и верувам дека можеме да победиме. Во некои периоди на ова ЕП одигравме на ниво коешто е доволно за да славиме против Белорусија. Посакувам да ја повториме таа квалитетна игра и убеден сум дека ако го направиме тоа, можеме да победиме“, позитивно е настроен капитенот Никола Ѓорѓиев.
Белорусија е висока репрезентација, има играчи од 207 и 211 сантиметри. Досега сме немале пресметка со нив, иако лани и тие беа учесници на завршниот турнир на „Сребрената европска лига“ во Скопје. Во обложувалниците Sport Life, квотата за победа на Македонија е дури 5.30, а можете да се обложите и на исходот од првиот сет, колку поени ќе има, на хендикеп поени, итн.
