Иван Тричковски го постигна седмиот гол од почетокот на новата сезона, победнички за АЕК Ларнака против реномираниот ривал Омонија во дербито од четвртото коло во кипарското првенство.
АЕК долго се мачеше да го скрши отпорот на гостинот од Никозија, но Тричковски реагираше голгетерски во 64-тата минута со гол за победа. По два меча пауза, ова е нов погодок за македонскиот репрезентативец.
Македонскиот репрезентативец е во извонредна форма во новата сезона, беше прв стрелец во квалификациите за Лигата на Европа и главен адут во историскиот пласман на АЕК во фазата по групи.
Во кипарското првенство ова му е сефте-гол, но АЕК одигра само два натпревари од предвидените четири, поради настапите во ЕЛ.
