По точно 10 сезони поминати во дресот на Манчестер сити, Давид Силва најави дека ќе си замине. Договорот на Шпанецот истекува, а од претходно најави дека не планира да го продолжи. Како една од следните опции на Силва се најавуваат Интер Мајами или Бетис, но засега не е ништо дефинирано.
Во Сити веќе имаат замена за Силва, а тоа треба да биде Фил Фоден. Талентираниот англиски репрезентативец во минатото често беше фален дека е иднината на клубот, а сега е вистинска шанса да добие од тренерот Пеп Гвардиола. Сепак, факт е дека Фоден не може сам да го превземе товарот да биде замена за еден врвен играч, па во Сити бараат и уште еден фудбалер на оваа позиција.
Фокусот е кон креативецот на Норич, Емилијано Буендија. Според некои англиски медиуми, Буендија би бил совршен за тимот на Гвардиола. Тоа е играч кој сезонава дојде во Премиер лигата и покажа дека одлично се вклопи, па имаше дури седум асистенции за гол.
Аргентинецот имал дури 70 додавања за шут, што е трет најдобар биланс во лигата зад Паскал Грос и Кевин де Брујне. Како најголем недостаток на Буендија е тоа што има слаба реализација. Иако игра офанзивно, уште нема постигнато ниту еден гол. Сепак, тоа не треба да е проблем, затоа што неговата главна задача би била да ги разигрува соиграчите.
Норич сезонава е на последното место во Премиер лигата и доколку не успее да се спаси, повеќе од сигурно е дека Буендија ќе си замине, а тоа е шанса Манчестер сити да добие квалитетен играч за евтина сума.
Погледнете дел од квалитетите на Буендија, кој како младинец бил дел од школата на Реал Мадрид, а има играно и во шпанскиот Хетафе.
