Играчите на Олимпик Марсеј го прославија камбекот на терен по Мундијалот со шест гола во мрежата на Тулуз, а на „Велодром“ со фудбалска магија изненади Сеад Колашинац.
Бекот што имаше многу проблеми надвор од терените, па дури имаше и судир со локална банда во Лондон додека беше член на Арсенал, сега покажа дека знае и да игра фудбал, и тоа одлично.
Колашинац го постигна третиот гол за Марсеј во 51-вата минута, а со приемот на топката и со дриблингот пред голот на Тулуз покажа дека знае фудбалска магија.
Марсеј победи со 6:1 во меч со 6 различни стрелци и еден автогол и се проби на третото место во Лига 1 со 33 бода.
Le but exceptionnel de Sead Kolašinac et qui rend hommage au ROI PELÉ !
— Emboucaneur_13 (@Emboucaneur_13) December 29, 2022
Пред 10-кратниот француски првак се ПСЖ, уште еден клуб со 10 титули, а има 44 бода и Ленс со 37 бода.
Тулуз е на 13-тото место со 16 бода по 16 кола во Лига 1.
