Медисон од Лестер имаше „модерна“ корона прослава на голот (Видео)
Држеше дистанца, а сепак испрати порака до Премиер лигата која забранува ракување и гушкање.
Фудбалерот на Лестер, Џејмс Медисон, откако го постигна првиот гол во победата на Лисиците над Саутхемптон од 2-0, имаше интересна прослава на голот, поздравувајќи се и честитајќи си со воздухот.
После погодокот, соиграчите му пријдоа на Медисон, но тој им даде знак да не му се доближуваат и да држат дистанца, бидејќи тој имаше подготвено „кореографија“ со преправање дека слави заедно со колегите. На овој начин, Медисон одговори кон сите правила и забрани за прегрнување и ракување. Ретко кој тим при прославите на гол ги почитува забраните.
