Најдобриот руски тенисер, Данил Медведев, рече дека во кариерата имал повеќе успеси во дуелите против Новак Ѓоковиќ отколку против Рафаел Надал. И бројките го потврдуваат тоа, Медо против Рафа има скор 1-5, а против Ноле 5-10.
„И Рафа како и Новак, ретко губи, многу е тешко да го победиш. Јас всушност против Рафа на некој начин имав помалку успеси отколку против Новак. Ќе ми биде предизвик да играм против Надал, никој не знае во каква форма е. Добро е за тенисот што се враќа. Со него имав неколку тесни мечеви кои мислев дека можам да ги добијам, а ги губев“, рече Медведев.
