Фудбалерот на шкотската фудбалска репрезентација, Скот Мектоминеј, изјави дека не жали за својот летен трансфер од Манчестер јунајтед во италијанскиот калчолигаш Наполи. Напоменува дека тоа можеби е најважната одлука во неговиот живот.
Мектоминеј одигра десет натпревари во сите натпреварувања, постигнувајќи три гола и две асистенции.
„За мене, оваа одлука беше исклучително важна бидејќи заминував од семејството и пријателите“, изјави Мектоминеј.
„Во вакви ситуации навистина треба добро да размислиш дали сакаш да го направиш тоа или не. Јас сакав и се впуштив во оваа авантура. Не се навраќам назад и не жалам за ништо, ниту во мојот живот, ниту во кариерата. Продолжувам да бидам истиот човек што бев претходно. Сакам мојата кариера да биде успешна. Ми беше потребно да ја напуштам мојата зона на комфор и да се предизвикам самиот себе за да станам најдобриот фудбалер што можам да бидам. Исто така, сакам да бидам и најдобриот човек што можам да бидам“, истакна фудбалерот на Наполи.
Наполи игра одлично оваа сезона во Серија А под раководство на Антонио Конте.
