Тимот на Интер Мајами се врати на победничките патеки со убедлива победа над Њујорк ред булс во натпревар од МЛС лигата. Екипата на Дејвид Бекам славеше со 4-1, а повторно во центарот на вниманието беа Лионел Меси и Луис Суарес.
Двете големи ѕвезди на Интер Мајами постигнаа по еден гол за конечната победа.
Интер ги загуби последните три натпревари, вклучително и двапати од Ванкувер во Купот на шампионите на КОНКАКАФ.
GOL DEL MEJOR DE TODOS LOS TIEMPOS 🐐✨ pic.twitter.com/HMMgw7DRaR
— Inter Miami CF (@InterMiamiCF) May 4, 2025
Лионел Меси се запиша во листата на стрелците за првпат по серија од четири натпревари без постигнат гол. Покрај Суарес и Меси, голови постигнаа и Фафа Пико и Марсело Вајганд. За гостите почесниот гол го постигна Ерик-Максим Чупо Мотинг.
Интер Мајами сега има 21 бод и се наоѓа на четвртото место на табелата во Источната конференција.
