Лионел Меси е херојот на Аргентина во вечерашната победа од 2:0 над Мексико со која Гаучосите останаа во игра за пласман во осминафиналето на Светсткото првенство во Катар.
Меси прво во 64-та минута го отвори резултатот и го разби бункерот на Мексиканците, а четири минути пред крајот на средбата, му асистираше на Енцо Фернандез да го постави конечниот резултат.
Меси стана најмладиот и најстариот фудбалер кој постигнал гол и имал асистенција на еден натпревар на Светско првенство од 1966 година.
1 – Lionel Messi is now both the youngest (18y 357d vs Serbia in 2006) and the oldest (35y 155d vs Mexico today) player to both score and assist in a single World Cup game since the start of the 1966 tournament. Longevity. pic.twitter.com/e6Ak6fmI8l
— OptaJoe (@OptaJoe) November 26, 2022
Лео со 18 години и 357 дена во 2006 година против Србија имаше гол и асистенција, а вечерва истото го стори против Мексико со 35 години и 155 дена.
Меси со голот против Мексико, се израмни со легендарниот сонародник Диего Марадона, и двајцата имаат постигнато по осум гола на Мундијалите. Интересно е што и двајцата Аргентинци до бројката од осум гола дојдоа во точно 21 одигран натпревар. Легендарниот Ел Пибе е поуспешен од Меси по бројот на асистенции, Марадона има осум, а Лео седум.
8 – Lionel Messi has now scored as many World Cup goals as Diego Maradona (8), with only Gabriel Batistuta (10) netting more for Argentina at the tournament overall. Breakthrough. pic.twitter.com/cXIcjGbd3p
— OptaJoe (@OptaJoe) November 26, 2022
Најефикасен Аргентинец на Светските првенства е Габриел Батистута 10 постигнати голови. Популарниот Батигол настапи на три Мундијали, во 1994 година постигна четири гола на четири меча, во 1998 година даде пет гола на пет натпревари, а во 2002 година само еднаш ја затресе мрежата.