Италијанскиот гигант Милан и официјално обезбеди место во Лигата на шампионите за следната сезона и веќе започна со формирање на тимот кој треба да атакува во нови успеси. Јапонскиот напаѓач Дајчи Камада е првото засилување, а официјалниот договор треба да биде комплетиран деновиве. Камада ќе остане на „Сан Сиро“ до јуни 2028 година.
TMW – Kamada verso il Milan: parti a lavoro per programmare le visite mediche la prossima settimana https://t.co/5frRlrnjS4
— TUTTOmercatoWEB (@TuttoMercatoWeb) May 29, 2023
Репрезентативецот на Јапонија во претходните шест години играше за Ајнтрахт Франкфурт, каде што вкупно одигра 178 меча и постигна 40 гола. Неговиот договор со бундеслигашот истекува на крајот од овој месец и ќе може како слободен играч да направи трансфер во Милан.
Камада има 26 години и досега има 28 настапи за селекцијата на Јапонија во коишто постигнал шест погодоци.
