Во дербито на 26-тото коло од Серија А, Милан и Аталанта одиграа без победник 1:1. Росонерите не успеаја пред своите гледачи на „Сан Сиро“ експресно да се рехабилитираат за поразот од Монца (4:2) во претходното коло, но ја запреа победничката серија на Аталанта.
Аталанта до вечерашниот натпревар против Милан беше во серија од пет победи во низа во Серија А со кои дојде до шестото петтото место на табелата со 46 бода, два помалку од четвртата Болоња и седум од Милан.
Милан поведе уште на самиот старт, во третата минута и тоа со одличниот гол на Рафаел Леао. Португалецот од левата страна помина двајца играчи на Аталанта, влезе во шеснаесетникот и потоа со одличен шут го совлада голманот Карнесечи.
Аталанта во финишот од првиот дел дојде до израмнување со голот на Копмајнерс од белата точка.
