Бојан Миовски повторно постигна гол, на трет натпревар по ред за Абердин се запишува во листата на стрелците, но овој погодок беше доволен само за реми од 1-1 на неговиот тим на гостувањето кај Сент Џонстон.
Миовски вечерва погоди од пенал за водство од 1-0 во 62-рата минута, но подоцна домашните израмнија и спречија четврта победа на Абердин во последните пет кола.
Со 10 гола сезонава во шкотската Премиер лига, Миовски е на делба на второто место на листата на стрелци во моментов. Поефикасен од него во шкотската лига е само Шанкланд од Хартс со 13 гола.
