Јонас Валанчиунас одигра маестрална партија баскет и имаше фантастичен дабл-дабл од 22 поени и 23 скока за прва победа на Њу Орлеанс пеликанс, тим што славеше со 107:98 против Минесота.
Литванецот ја игра првата сезона за тимот од Њу Орлеанс и покажа дека ќе биде големо засилување со блескав меч во „Таргет центар“ во Минеаполис.
Брилијантна му беше и една од трите асистенции во стилот на квотербек од популарната НФЛ-лига.
Jonas Valanciunas is quarterbacking for the Pelicans tonight 🤯pic.twitter.com/58CnqRP5nn
— Pelicans Nation (@PelsNationCP) October 26, 2021
Перфектен старт во новата сезона има Чикаго булс со четири победи на четири меча, нешто што на шесткратните НБА прваци не им се случило од сезоната 1996/97, кога предводени од Мајкл Џордан ја освоија петтата шампионска круна.
Еден од главните фактори за големата трансформација на Булс е доаѓањето на Олстар-ѕвездата Демар де Розан. Ноќеска со 26 поени тој беше прв стрелец во победата од 111:108 против Торонто, тимот што го одбра на драфтот и каде што мина дури 10 сезони.
Jonas Valanciunas' MONSTER double-double lifts the @PelicansNBA to victory!
Brandon Ingram: 27 PTS, 9 REB
Devonte' Graham: 21 PTS, 7 AST pic.twitter.com/gAXrQYtKFu— NBA (@NBA) October 26, 2021
Ноќеска најнеизвесно беше во „Спектрум центарот“, каде што Шарлот хорнетс им беа домаќини на Келтите од Бостон. Во регуларниот дел, мечот заврши нерешено, 122:122, а во продолжението со серија од 14:0 гостите брзо го решија победникот и славеа со 140:129.
Во таа серија од 14:0 сите поени за Бостон ги дадоа Џејсон Тејтум и Џејлен Браун, двајца кошаркари кои одиграа брилијантен меч.
Тејтум постигна 41 поен со 7 скока и 8 асистенции, а Браун уфрли 30 поени со 9 скока.
Џејлен го имаше и потегот на мечот, веројатно и на целата програма во НБА со ефектно забивање на почетокот на продолжението.
💥 JAYLEN BROWN, WITH FEELING 💥@celtics 10-0 run in OT on League Pass pic.twitter.com/OamCG3jLkN
— NBA (@NBA) October 26, 2021
Сличен учинок како Валанчиунас имаше и Никола Јокиќ со 24 поени и 19 скока за Денвер, но Нагетс загубија од Кливленд кавалирс дома со 87:99.
Резултати: Шарлот – Бостон 129:140 по продолженија, Индијана – Милвоки 109:119, Атланта – Детроит 122:104, Бруклин – Вашингтон 104:90, Мајами – Орландо 107:90, Торонто – Чикаго 108:111, Минесота – Њу Орлеанс 98:107, Денвер – Кливленд 87:99, Л.А. клиперс – Портланд 116:86.
