Десниот бек на Леванте, Хорхе Андухар Морено, или попознат како Коке беше пријатно изненаден од соседите, кои го поздравија со аплаузи, песна и со по некоја конфета од балконите во Валенсија при раѓањето на неговиот син.
Сопругата на Коке се породи во понеделникот, а играчот беше изненаден од галамата што одеднаш како под команда се создаде во неговото соседство. Од зградите грмнаа аплаузи, а им се приклучи и самиот Коке, кој беше пријатно изненаден од гестот на неговите сограѓани во Валенсија.
La calle con más Alegría de València
👶💙❤Así fue el increíble recibimiento a @coke23andujar tras ser padre el pasado lunes: "Gracias infinitas a todos".#OrgullGranota 🐸 pic.twitter.com/WZTyHg0oAG
— Levante UD (@LevanteUD) April 30, 2020
Денеска искористи специјална прилика преку „Твитер“ да им се заблагодари за гестот.
„Не очекував ваква реакција. Ме изненадија многу пријатно и им благодарам на сите. Ги поздравувам и едвај чекам да се видиме на стадион“, рече Коке.
Десниот бек на Леванте е соиграч на Енис Барди од 2018 година, откако најпрво како позајмен играч пристигна од Шалке 04, а потоа клубот од Валенсија го откупи неговиот договор со германскиот клуб.