Тотенхем нареди четири порази во последните пет меча во Премиер лигата, а ако тука се додаде дека беше елиминиран и во ФА Купот од Евертон, тогаш јасно е дека лондонскиот тим е во криза. Тимот на Жозе Мурињо денеска имаше тешка задача, бидејќи гостуваше кај лидерот Манчестер сити, кој имаше 15 победи во низа.
Граѓаните без проблеми победија со 3:0, а овој пораз на Тотенхем донесе и еден неславен рекорд на Мурињо. Тотенхем пред три дена загуби од Евертон со 5:4 во ФА купот, што значи дека тимот на Мурињо во последните два меча прими дури осум гола.
Во речиси 20-годишната тренерска кариера клубовите кои ги предводел Мурињо никогаш не примиле осум гола во два меча по ред, што значи дека ова е неславен рекорд за португалскиот стратег кој беше познат по тоа дека неговите клубови секогаш негувале цврста одбрана.
8 – Tottenham have conceded a combined eight goals in their last two games (5 v Everton, 3 v Man City) – the most José Mourinho has conceded across a two-game period in all competitions in his managerial career. Stunned. pic.twitter.com/EP3XMz5WH5
— OptaJoe (@OptaJoe) February 13, 2021
