Реал Мадрид и Барселона уште во четвртфиналето ги завршија настапите во Купот на Шпанија. Кралскиот клуб на свој терен беше шокиран од Реал Сосиедад и загуби со 4:3, додека Барселона потврди дека е во криза и не можеше да го избегне поразот од Атлетик во Билбао. Домаќините славеа со 1:0, и тоа со погодок во последните моменти од мечот.
Двете екипи од Баскија успеаја во ист ден да ги исфрлат двата најтрофејни шпански клуба од борба за куп-трофејот. Низ историјата на Купот на Шпанија цели 65 години не се случило Реал и Барса да бидат елиминирани во ист ден од Купот. Претходно последен пат тоа се случи во 1955 година, кога во ист ден беа елиминирани од Севилја и Атлетик, во мечеви од полуфиналето.
Денеска беше направена и ждрепката во Купот, а можно е да има баскиско финале. Реал Сосиедад за противник го доби второлигашот Мирандес, додека Атлетик Билбао е фаворит на свој терен против Гранада.
2 – Real Madrid & Barcelona have been eliminated the same date together in Copa for the first time since 29th May 1955 when Real Madrid were eliminated by Sevilla & Barcelona were eliminated by @Athletic_en, both in Semifinals. Earthquake#AthleticBarça #RealMadridRealSociedad pic.twitter.com/cOv4ATeAeR
— OptaJose (@OptaJose) February 6, 2020