ЕХФ делегираше австриски судии со потекло од поранешна Југославија, за натпреварот од отворањето на Европското првенство во ракомет помеѓу Македонија и Словенија.
Радојко Бркиќ и Андреј Јусуфхоџиќ се арбитрите кои ќе делат правда на мечот кој може да биде клучен за пласман во втората фаза.
Иако Австрија и Словенија се соседни земји, оваа судиска двојка е доволно искусна и квалитетна за да не си дозволи да „влече“ на страната на противникот на Македонија, па нашите ракометари треба да се фокусираат на тоа како да го изненадат фаворитот.
