Баерн Минхен по вторпат во клупската историја успеа да освои тројна круна. Фудбалерите на најтрофејниот германски клуб ја повторија 2013 година и покажаа дека се супериорни не само во Германија туку и во цела Европа. Посебен подвиг на Баерн е тоа што до освојувањето на титулата стигнаа со победи во сите натпревари сезонава во Лигата на шампионите.
Трибините на стадионот „Луж“ во Лисабон беа празни и фудбалерите на Баерн немаа можност со многуте свои навивачи да го прослават успехот. Тие се радуваа сами на теренот, а меѓу сите нив еден играч имаше уникатен начин на покажување радост.
Дефанзивецот Лукас Ернандес ја имаше можеби најлудата прослава на титулата во ЛШ. Французинот го преврте пехарот и успеа да го стави на својата глава. По објавената фотографија, беше тешко да се дешифрира за кој играч станува збор, но бројот 21 на неговите шорцеви открија дека тоа е играчот за кој Баерн Минхен му плати 80 милиони евра на Атлетико Мадрид минатата година.
— Goal (@goal) August 23, 2020