Фудбалерот на Борнмут, Дејвид Брукс, беше дел од тимот кој вчера го совлада Ливерпул и тоа за прв пат откако објави дека ја победи тешката болест.
Брукс целиот натпревар го проследи од клупата за резервни играчи, но англиските медиуми пишуваат дека и со тоа Велшанецот издвојувал голема победа и тоа многу поважна од фудбалската.
For the first time in 525 days, @DRBrooks15 is in a matchday squad ❤️ pic.twitter.com/ReJM34XrO2
— AFC Bournemouth 🍒 (@afcbournemouth) March 11, 2023
Во октомври 2021 година на Брукс му беше дијагностициран рак на лимфниот систем, кој успеа да го победи. Тој по точно 525 дена повторно беше дел од тимот на Борнмут, а неговите соиграчи со голема победа над Ливерпул, му го развеселија денот.
Дејвид Брукс кој е продукт на фудбалската академија на Манчестер сити, има 21 настап за репрезентацијата на Велс.
Брукс е вториот фудбалер во 2023 година кој се враќа на терените откако го победил ракот. Пред него тоа го стори и напаѓачот на Борусија Дортмунд, Себастијан Алер кој ја доби битката со ракот на тестисите.
