Иако во Италија сè уште важат ковид-мерките за ограничен капацитет на стадионите и присуство на публика на трибините, за бараж-мечот со Македонија на 24 март се најавува дека „Ренцо Барбера“ во Палермо ќе биде во потполн сјај и со фул капацитет од 37 илјади места.
Италија сака да има голема поддршка, па и цените што ги одреди за влезниците не се скапи за европски стандарди.
Тие се движат од 10 до 60 евра, а ќе има и посебни семејни пакети, потоа и попусти за одредени возрасни категории, а продажбата ќе почне од 4 март.
Ренцо Барбера е со капацитет од 37 илјади места и се очекува стадионот целосно да биде полн.
Македонија за првпат ќе игра бараж-меч за пласман на Светско првенство, а ако ја победи Италија, пак ќе гостува на 29 март на Португалија или Турција и победникот од тој меч ќе игра во Катар во ноември и декември годинава.
