Селекторот на Тунис, Сабри Ламуши, привлече големо внимание од јавноста откако откри необични детали за списокот на националниот тим пред Светското првенство. Главна улога во целата приказна е младиот талентиран фудбалер Луи Бен Фархат.
Според селекторот, Бен Фархат бил сериозен кандидат за конечниот состав на Светското првенство. Сепак, целата ситуација доби сосема неочекуван пресврт по разговорот што Ламуши го имал со таткото на играчот.
„Планирав да го вклучам Луи Бен Фархат во составот за Светското првенство“, рече селекторот на Тунис, кој потоа објасни што се случило непосредно пред да биде објавен конечниот список. „Неговиот татко ми се јави лично и ми рече дека Луи Бен Фархат сè уште не е подготвен за турнирот.“
Ламуши призна дека одлуката целосно го изненадила, особено затоа што тој е еден од најголемите таленти што ги има Тунис во моментов.
🚨 Tunisia manager Sabri Lamouchi has revealed he planned to include Louey Ben Farhat in his World Cup squad, but the player’s father personally called to say the 2006-born talent “was not ready” for the tournament yet. 😳🇹🇳
Lamouchi then attempted to contact both Ben Farhat and… pic.twitter.com/WIOmIpsPFO
— Football Tweet ⚽ (@Footballtweet) May 15, 2026
По тој разговор, тој се обиде повторно да стапи во контакт и со фудбалерот и со неговиот татко.
„Се обидов повторно да ги контактирам пред да биде објавен конечниот список, но никој не одговори“, открива селекторот Ламуши кој бил шокиран од оваа одлука на таткото на тинејџерот.
Бен Фархат, кој е роден во 2006 година, долго време го привлекува вниманието на европските клубови со своите настапи и потенцијал. Покрај Тунижанецот, младиот фудбалер има и германско државјанство, поради што претходно се шпекулираше за неговата иднина во репрезентацијата.
