Илија Несторовски не можеше многу да му помогне на Удинезе во куп дуелот со Јувентус, не постигна гол против силниот противник, но рече дека немаат време за жалење, и мора да мислат како да извлечат добар резултат на неделното гостување кај Милан. Летоска Удинезе на свој терен ги совлада Росонерите со 1-0, па сега Милан со Ибрахимовиќ во составот ќе сака да им се реваншира на фриулијаните.
„Сакавме да одиграме добро и да пставиме позитивен впечаток, но против нас имаше силен тим. Поразот од Јувентус е тежок, но гледаме напред, и веќе почнуваме да се концентрираме на мечот со Милан. Треба да ги исправиме грешките и повеќе да работиме на тренинзите. Имаме добра серија резултати во првенството, па и во Милано одиме да освоиме бодови. Со ваков дух може да напредуваме како тим, сите треба да даваме 100 проценти, да се бориме за место во тимот, за сите е добро кога има конкуренција“ – изјави Несторовски кој не е редовен стартер во Удинезе.