Фудбалерите на Фламенго се израдуваа на титулата во бразилското првенство, иако во последното коло загубија на гости кај Сао Пауло со 1:2. Во пресрет на последните 90 минути од шампионатот, Фламенго имаше два бода повеќе од второпласираниот Интернасионал, а по поразот од Сао Пауло, беше на прагот да го загуби трофејот.
За нивна среќа, Интернасионал на свој терен не успеа да го победи Коринтијанс и одигра 0:0, па на крајот Фламенго заврши со 72 бодови, а Интернасионал остана со бод помалку. Да биде драмата поголема, Интернасионал во првото полувреме доби пенал, но по консултација со ВАР-системот, одлуката беше поништена.
Во завршницата играчите на Интернасионал нападнаа со сите сили и постигнаа два погодоци, но двата беа поништени поради офсајд и на крајот мечот заврши 0:0, а титулата замина во рацете на фудбалерите на Фламенго.
Absolutely incredible scenes to end the Brasileirão season. Flamengo lose 2-1 to São Paulo, whilst Internacional nearly score the go-ahead goal against Corinthians in the 97th minute, but it was ruled offsides.
For the second straight year, Flamengo are champions of Brazil. pic.twitter.com/0IcRB78aWD
— Zach Lowy (@ZachLowy) February 26, 2021
