Палмеирас ја одбрани титулата за најдобар тим во Копа Либертадорес, натпреварување кое ја има истата вредност како Лигата на шампиони во Европа. Во финалето кое се играше во Монтевидео, Уругвај, Палмеирас со 2:1 славеше над бразилскиот ривал Фламенго.
По регуларните 90 минути беше 1:1. Веига погоди уште во петата минута за водство на Палмеирас, а Фламенго стигна до израмнување благодарение на погодокот на Габриел Барбоса во 72 минута, па мораше да се играат дополнителни 30 минути продолжување.
Клучниот момент на мечот се случи во 94 минута кога Дејверсон успеа да украде една топка од противниците и непречен од никого да го матира противничкиот голман за 2:1. Токму овој гол беше клучен за одлуката кој тим ќе ја освои континенталната титула во Јужна Америка.
GOAL: 94' Palmeiras 2-1 Flamengo (Deyverson)#GloriaEterna #FLAxPAL #AvantiPalestra
Follow for more goals @ronaldmorgan_pic.twitter.com/wS7ig5pUnF
— Ronald Morgan (@ronaldmorgan_) November 27, 2021
Палмеирас е само трет бразилски клуб кој успеал да го одбрани тронот во Копа Либертадорес, по Сантос и Сао Пауло. Последен пат Копа Либертадорес два пати во низа ја освои Бока Јуниос во 2000 и 2001 година.
За триумфот во Копа Ливертадорес, екипата на Палмеирас вкупно ќе добие парична награда од 22 милиони долари.
