Ни Македонија не можеше против непоразените Португалци
Нашите млади ракометари елиминирани во осминафиналната рунда од Мундијалот во Скопје.
Ракометната репрезентација на Македонија за играчи до 19 години својот пат на Светското првенство во Скопје го заврши во осминафиналето. Избраниците на селекторот Данило Брестовац загубија од Португалија со 25-29, откако потклекнаа во завршните пет минути од дуелот во „Борис Трајковски“.
Португалците во четврт-финалето ќе играат со Франција. Мартин Серафимов со 9 гола и Михајло Младеновиќ со 7 беа најефикасни поединци во македонскиот национален тим вечерва. Сега за нашите таленти следува разигрување за 9-16 место, прв ривал е Аргентина, со која бевме во иста група.
