Македонскиот голман Столе Димитриевски, синоќа испиша историја, со тоа што успеа на три меча по ред, од кои два на „Камп ноу“ да не прими гол против Барселона.
Во 21-ви век, само Димитриевски и Јан Облак од Атлетико успеале на три лигашки средби да останат несовладани од напаѓачите на Барселона, а 50 години поминаа откако некој остана со „сува мрежа“ на две лигашки гостувања по ред против каталонскиот клуб.
Летово Барселона е во центарот на вниманието поради бројните засилувања и парите кои ги потроши, иако веќе имаа силен напад со Обамејанг, Депај, Ансу Фати, Дембеле, Феран Торес, летово на нив им ги придодадоа и Рафиња и Левандовски, кој минатата сезона беше Златна копачка во Европа, но сето тоа е џабе против Рајо Валјекано, кој на голот го има Димитриевски.
Столе на првиот од трите меча на кои не прими гол против Барса му одбрани пенал на Мемфис Депај, и има голема заслуга што Рајо не може да прими гол од супер-нападот на Барселона.