Никола Јокиќ повторно одигра брилијантна партија баскет и по 52. пат во кариерата забележа трипл-дабл, со 26 поени, 14 асистенции и 13 скока во победата на Денвер нагетс од 121:119 против Сан Антонио спарс.
Популарниот Џокер доминираше во осмата победа по ред на својот тим, иако на крајот со соиграчите стравуваше по последниот шут на Демар Де Розан, кога топката се заврте на обрачот и не влезе во кошот.
Nikola Jokic with 26 PTS, 14 AST, 13 REB tonight.
Is Joker the MVP as of now? pic.twitter.com/ww2UxxrENd
— Hoop Central (@TheHoopCentral) April 10, 2021
Јокиќ во кариерата сега има 81 меч на кој имал 10+ асистенции со што го мина легендарниот Вилт Чембрлен во конкуренција на центри во историјата на НБА лигата.
„Тој е веројатно и најдобриот асистент во лигата и сигурно најдобриот меѓу центрите. Не може никој да го сопре, бидејќи знае се. Кога браните да не погоди, тој знае да асистира на неверојатен начин. Не е себичен, знае како да ги проигра и соиграчите во вистински момент“, изјави Грег Попович, легендарнит тренер на Спарс.
Денвер предводен од Јокиќ ја има најдолгата серија победи во моментов во НБА лигата, а интересно е што Арон Гордон се уште нема пораз, откако од Орландо им се приклучи на Јокиќ и соиграчите кај Нагетс.
