Кејлеб Дресел го освои четвртиот златен медал на овие Олимписки игри откако Американецот издоминира и во трката на 50 метри слободен стил. Најдобриот пливач на САД воедно постави олимписки рекорд и во оваа дисциплина со време од 21.07, а за малку не успеа да го урне и светскиот рекорд од 20.91 секунди.
Dressel makes it four!
A fourth gold at #Tokyo2020 for #USA's Caeleb Dressel as he wins the men's 50m freestyle with an Olympic Record time of 21.07.@fina1908 #Swimming @TeamUSA pic.twitter.com/mjnlsBZiQu
— Olympics (@Olympics) August 1, 2021
Среброто го освои Французинот Флоран Манаду, бронзениот медал припадна на Бразилецот Бруно Фратус.
Дресел претходно се покажа како најдобар во 100 метри слободен стил, трка на која исто така постави нов олимписки рекорд, а триумфираше и на 100 метри делфин, како и штафета 4×100.
Emma McKeon collects her sixth medal of #Tokyo2020!
It's a gold in the women's 50m freestyle with an Olympic Record time of 23.81!@fina1908 #Swimming @AUSOlympicTeam pic.twitter.com/zXXCp4jCHD
— Olympics (@Olympics) August 1, 2021
Олимписки рекорд постави и Австралијката Ема Мекеон исто така во 50 метри слободен стил со време од 23.81, за освојување на златен медал, односно вкупно шести медал на овие Игри. Мекеон со оваа победа се истакна како најдобра австралиска олимпијка со вкупно 11 медали во својата кариера.
Светската шампионка Сара Сјоестрем го освои сребрениот медал, со бронзата се закити данската пливачка Пернил Блум.
