Иван Тричковски нема проблем со головите во новата сезона, буквално ги решета мрежите на противниците и веќе го постигна десеттиот гол за месец и половина.
Македонскиот репрезентативец погоди во 26. минута на дуелот со Олимпијакос во Никозија, а неговиот АЕК води со 2:1 по првото полувреме.
Тричковски на последните 7 меча на кои играше во различни конкуренции за АЕК и за Македонија постигна 10 гола и е еден од најдобрите стрелци на почетокот на новата сезона во Европа.
Голеадата ја почна на 1. август со покер во Софија против Левски, а потоа ги тресеше мрежите на Гент, на Пафос двапати и на Омонија двапати.
Тричковски е и убедливо прв стрелец во кипарското првенство со пет погодоци, а следниот зад него има постигнато два гола.
Денеска Иван има уште можности за уште некој гол, бидејќи мечот со Олимпијакос е со резултат 1:2 за АЕК на полувреме.